Donostiako Koruko Andre Mariaren Basilikan izan gara hileta batean gure musikarekin laguntzeko.
Horrelako ekitaldietako musika-laguntza oso aukera egokia da pertsona maitatu baten agurreko une latzei hobeto aurre egiteko.
Zerbitzu hau eskaintzeko instrumentu eta ahots aukera ezberdinak ditugu.
More...
Gaurko hiletan soprano, biolin eta organoz osatutako hirukotearekin egon gara.
Hiletan interpretatutako errepertorioa
Hildakoaren senideek batez ere euskal musikaz osatutako errepertorioa aukeratu dute.
Eskatu dizkiguten pieza guztien aukeraketa bat egin behar izan dugu zeremonian egokitu ahal izateko.
Hasi aurretik ere errepertorioan ukitu bat egin behar izan dugu azken orduko eskaera batengatik.
- Sarrera: Xalbadorren heriotzean (X. Lete)
- Eskaintza: Nere herriko neskatxa maite (B. Lertxundi)
- Jaunartzea: Nella Fantasia (E. Morricone)
- Irakurgaia ondoren: Un beso y una flor (N. Bravo)
- Azken bedeinkazioaren ondoren: Agur Jesusen Ama (F. Gorriti)
- Irteera: Txoria txori (M. Laboa)
Hiru kantautore handiren hiru euskal kanta, Agur Jesusen Ama "behartuaz" gain.
Gainera, lehen aldiz interpretatu dugu Nino Bravoren Un beso y una flor abestia.
Taldea
Sopranoak, biolinak eta organoak osatutako hirukotea ezin hobea da horrelako zeremonietarako.
Errepertorio oso zabala eta edozein hiletarako egokia izan daiteke.
Basilikako koruan kokatu gara organoa aprobetxatzeko.
Tenplua handia bada ere, eliza osoan ezin hobeto entzuten zaigu.
Beste talde batzuk ere baditugu, hiletetan zein beste ospakizun erlijioso batzuetan beren zerbitzuak eskain ditzaketenak.