Gaur Donostiako Aita Frantziskotarren parrokian egindako hileta elizkizunean parte hartu dugu.
Eliza hau Egia auzoan dago, eta aurten bere sorreraren mendeurrena ospatzen da bertan.
Neogotiko estiloko tenplua da eta, bertan, komentu bat dago.
Elizako koruan Donostiako Amezua etxeko organoa dago.
Eta oraingoan erabili ez dugun arren, instrumentu honen ondoan kokatu gara.
Batez ere parrokiako organistak ere hileta elizkizunean parte hartu duelako.
Biolin bikotea hiletan
Gure biolin bikotea aukeratu dute agur erlijioso honen musika jartzeko.
Elizkizuneko une jakinetan parte hartu dugu, hileta baterako errepertorio egokia interpretatuz.
- Sarrera: Cantata 147 (J.S. Bach)
- Eskaintza: Ave Maria (F. Schubert)
- Jaunartzea: Izarren hautsa (M. Laboa)
- Zeremoniaren amaiera: Agur Jesusen Ama (F. Gorriti)
- Doluminak:
- Aria (J.S. Bach)
- Xalbadorren heriotzean (X. Lete)
Jakina, kantu liturgiko batzuk lagundu ditugu organistaren partehartzeekin bat eginez.
Mikel Laboaren abestia jo dugu familiak hala eskatuta.
Horrelakoetan beti eskatzen dugu, mesedez, xehetasun hau hileta elizkizuna egingo duen apaizari galdetzea.
Oso hurbileko zeremonia izan da, frantziskotar komunitateko erretoreak zuzendua.
Meza amaitzean berarekin egon gara eta asko eskertu digu hiletan gure musikarekin parte hartu izana.
Gure biolin bikoteak duen aldakortasuna azpimarratu behar da.
Edozein ospakizun erlijioso zein zibiletara egokitzen da.
Era berean, talde egokia da ekitaldia jai-girokoa bada edo, orain bezala, izaera soilagoa badu.