Hari kantariak izan da gaurko kontzertuan Sotto Voce laukoteak eskainitako saioa.
Gure urteko azken kontzertuak Aieteko Jauregiaren lorategien azpian "ezkutatutako" kulturgune bat aurkitzeko balio izan digu.
Ingurune pribilegiatuan kokatutako jauregia da, eta, historiaren gorabeherak direla eta, Bakearen eta Giza Eskubideen Etxea du gaur egun.
More...
Egia esan, hainbat herritan erakutsi ondoren, programa hau Donostian aurkezteko gogoa genuen.
Pozgarria da hurbilen dituzun pertsonak, eta, gainera, zure hirian, gehien identifikatzen dituzun proposamenetako bat hurbiltzea.
Hari kantariak
Aurreko sarreretan proposamen artistiko honen originaltasuna azpimarratu dugu.
Ez da bakarrik bikain interpretatutako obra segida bat, beste talde batzuek egin dezaketen bezala...
Gu harago goaz... Transmititu nahi dugu.
Bai, istorioak, bizipenak, sentimenduak transmititzea. Eta, horretarako, musikaz baliatzen gara.
Eta hori lehen unetik egiten dugu. Aukeratutako errepertorioan islatuta dago, egindako moldaketetan, obrak jotzen ditugunean nola gozatzen dugun.
Eta hori publikoak sumatzen du, guk nahi duguna da behintzat.
Gainera anekdota dibertigarriak kontatzen ditugula, Frank Sinatra imitatzen saiatzen den ausardiaren bat dagoela eta publikoak baino gehiago gozatzen dugula dirudiela? Beno, ba bai. Gure idiosinkrasiaren parte da...
Kontzertua
Donostiako Aiete Kultur Zentroak antolatutako MUSIKLASIK zikloaren barruan, ekitaldi aretoan egingo zen hasiera batean, baina hainbat arrazoi tarteko, erakusketa aretoan egin da.
Areto txiki bat, baina bere argiztapenarekin oso giro abegikorra sortzeko aukera eman diguna.
Gainera, Roald Dahlen El gran gigante bonachón liburuan oinarritutako Quentin Blakeren ilustrazioen erakusketa batekin bat egiteko zortea izan dugu. Liburuaren lehen edizioan erabili ez ziren ilustrazio argitaragabe batzuk biltzen dituen erakusketa.
Publikoak aretoa bete zuen eta pixkanaka kontzertuan sartuz joan zen, hartaz gozatuz. Hala erakutsi ziguten, beren txalo eta ondorengo iruzkinekin.
Interpreteak
Sotto Voce laukotea arduratu da kontzertua egiteaz.
Pedro Miguel Aguinaga, Monika Redondo, Tomas Ruti eta Amaia Garcia.
Urte bizia izan dugu, kontzertuak eskainiz, hainbat ekitalditan parte hartuz... baina espero dugu 2017a askoz jarduera handiagoarekin izatea.
Informatzen jarraituko dugu.
Gure zerbitzuetan interesa baduzu edo informazio gehiago behar baduzu, jar zaitez gurekin harremanetan. Pozik hartuko zaitugu.