Gaurko egunari amaiera emateko Sotto Voce laukoteak kontzertua eskaini du Berrobin.
Tolosatik gertu dagoen herri bat da, baserri girokoa, Uzturre mendiaren magaletatik gertu, eta, bertan, San Andres Eliza dago.
XVI. mendekoa, dorre barrokoa du eta udaletxearen parean dago.
More...
Tenplu honetan izan dugu Hari kantariak programa eskaintzeko aukera.
Aritz Alkain Berrobiko kultura zinegotziak herrian kontzertu bat ematea proposatu zigunean, ez zegoen zalantzarik zein egitarau eskaini.
Programa
Edozein publikok eskura dezakeen programa, edukiagatik erakargarria eta formatuagatik atsegina.
Sevilla I. Albéniz
Haurtxo polita G. Olaizola
Maman, la plus belle du monde M. Marini
Violetas imperiales F. López
Ave María G. Caccini (V. Vavilov)
Ah! Maria, Mari! E. di Capua
Bella Figlia Dell’amore G. Verdi
Strangers in the night B. Kaempfert
Youkali K. Weill
Bésame mucho C. Velázquez
La paloma S. Yradier
Maitechu mía F. Alonso
Por una cabeza C. Gardel
Bis gisa Astor Piazzolaren Oblivion interpretatu dugu.
Hainbat musika-estilo eta garaitako abestiak, hari-laukotearen sonoritatera egokituak.
Egokitzapen gehienak Sotto Voce laukotearenak dira.
Obrak iruzkin labur baina interesgarriekin aurkezten dira.
Lehen aldiz interpretatu dugu Haurtxo politaren moldaketa, horretarako egina.
Sotto Voce laukotea
Ibilbide profesional ezaguna eta aldakortasun handikoa duten musikariek osatua.
Bere interpretazioak musika publiko guztietara hurbiltzen saiatzen dira, programa original eta erakargarriak eskainiz.
Oraingoan Pedro Miguel Aguinaga eta Tomas Ruti biolinistek , biolarekin Roberto Nuñok eta biolontxeloarekin Dorota Komorowskak osatu dute.
Beroa gorabehera, giro ona izan da nagusi uneoro.
Eskerrak eman behar dizkiogu David de Miguel alkateari eta Aritz Alkain zinegotziari etortzeagatik eta Agurtzanek eta Manolok emandako laguntzagatik.
Kontzertuaren amaieran, publikoa zutik jarri da gu txalotzeko.
Plazer bat izan da.