Mirador de Ulia jatetxean izan gara ezkontza bateko zeremonia zibilean parte hartzeko.
Duela pare bat urte ez genuen leku hau bisitatu eta, etorri garen guztietan bezala, ikusmenarekin liluratuta geratu gara.
Bertatik Donostiako eta Gipuzkoako kostaldeko irudi paregabeaz gozatzen da.
Baina jatetxean baino gehiago, bertako lorategietan egon gara.
Eskailera batzuk jaitsita, lorategiz eta baratzez inguratutako terraza bat aurkituko dugu. Bertatik, ez dira ikuspegi eder horiek ikusten, baina lasaitasunez beteta dago leku hau.
Bai nahi dut-eko Montsek antolatu du ezkontza.
Zeremoniaren errepertorioa
Azul Colibrí-ko Aialak eman du zeremonia
Oso ondo eramandako zeremonia izan da eta musikaren protagonismoa izan du.
Errepertorioa Anahi eta Ivan ezkongaiek aukeratu dute.
- Gonbidatuen sarrera: Bésame mucho (C. Velásquez)
- Senargaiaren sarrera: Heaven is a place on Earth (B. Carlisle)
- Emaztegaiaren sarrrera: Love Story (T. Swift)
- Emailearen hitzaldia:
- Mi corazón encantado (T. Oda)
- One man’s dream (Yanni)
- Botoak: Interstellar – Main Theme (H. Zimmer)
- Erritua: Disfruto (C. Morrison)
- Irteera: Viva la Vida (Coldplay)
Zeremonia amaitzean, mariatxi talde batek rantxera pare bat interpretatu dituzte.
Uliara joan den taldea
Sopranoak, biolinak eta pianoak osatutako hirukotea aukeratu dute musika jartzeko zeremonian.
Formazio moldakorra da, eta errepertorio klasiko zein modernoetara egokitzen da.
Kasu honetan, kanpoan ospatzean, gure anplifikazio ekipoa eraman dugu.
Baina ez diogu intentsitate handirik eman soinuari, nahiz eta Mirador de Uliako lorategietan egon.
Beti zaintzen dugu gure funtzioa ekitaldi hauetan, protagonismotik kanpo.
Eguzkia ustekabeko laguna izan da eta, tarteka, gogaikarria.
Nolanahi ere, zeremoniaz gozatu dugu.