Donostian parte hartu dugun bi ezkontza hauek oso ezberdinak izan dira.
Lehenik eta behin, taldeen osaeragatik, bata txikia eta bestea handia.
Gainera, zeremonia bakoitzaren ezaugarriek, erlijiosoak zein zibilak, asko baldintzatu dituzte interpretatutako errepertorioak.
Lehenengo zeremonia Donostiako Udaletxeko Osoko Bilkuren Aretoan izan da.
Biolina eta pianoa Donostiako Udaletxean
Pepik deitu zigun bere alabaren ezkontzan jotzeko.
Zeremonian entzun beharreko hainbat gai argi zituen eta, hortik aurrera, talde egokiena aukeratzeko aholkuak eman genizkion.
- Senargaiaren sarrera: Mi corazón encantado (T. Oda)
- Emaztegaiaren sarrera: Canon (J. Pachelbel)
- Irakurketak (sakonekoak):
- Zein ederra izango den (Zetak)
- Aitormena (Hertzainak)
- Eraztunen ondoren: Ave Maria (F. Schubert)
- Sinadurak: Como el agua (Camarón)
- Irteera: La leyenda del tiempo (Camarón)
Errepertorio eklektikoa, Camaronen flamenkoak protagonismoa izan duena. Hala ere, Pepirentzat piezarik bereziena Ave Maria izan da.
Hemen biolin eta piano bikoteak dituen aukerak ikusten dira.
Talde hau edozein errepertoriotara egokitzen da.
Donostiatik irten gabe, larunbateko zeremonia gure agertoki gogokoenetako batean izan da.
Zeremonia Santa Maria Basilikan
Gure abesbatzak, elizako organoaren eta gure biolinistaren laguntzarekin, soprano bakarlariaz gain, errepertorio klasiko eta egoki-egokia interpretatu du.
- Senargaiaren sarrera: La Misión (E. Morricone)
- Emaztegaiaren sarrera: Canon (J. Pachelbel)
- Irakurgaiak: Hallelujah (L. Cohen)
- Ezkaintza: Ave Maria (Ch. Gounod)
- Gure Aita: Aita Gurea (Madina)
- Jaunartzea: Lascia ch’io pianga (G.F. Haendel)
- Sinadurak: Canticorum Iubilo (G.F Haendel)
- Irteera: Arrival of the Queen of Sheba (G.F. Haendel)
Marta eta Aitorrek, ezkongaiek, aukeratutako errepertorioa.
Gure bakarlariaren esku-hartzeak orekatu ditugu, pieza koral eta instrumentalekin tartekatuz.
Dirudienez, ez dugu Donostiatik irten beharrik ezkontzez gozatzeko.