Parte hartu dudan aurreezkontza ospakizun handi baten hitzaurrea izan da.
Ondarrretako hondartzan egin da, eta Gorka eta Natasharen gonbidatuei ongietorria egiteko balio izan du.
Zumaiako San Telmo ermitan egindako zeremonia erlijiosoan amaitu da nire parte-hartzea.
Oso harrera informala izan da, baina maitasun handiz egindakoa.
Aurreezkontza Ondarretan, 2026-08-14
Hondartzan jotzeko baimena kudeatu ondoren, azkenean ospakizun honetan parte hartzera gonbidatu ninduten.
Lagunek eta senideek aurreezkontza hau gozatu dute leku pribilegiatu batean.
Loretopeatik hurbilen dagoen hondartzako txosna izan da nire emanaldiaren eszenatokia.
Hasiera-hasieratik, ezkontzaurreko ekitaldira bertaratu direnek oso ondo hartu dute nire proposamena, estilo desberdinez osatua.
Filmetako musika, boleroak, tangoren bat, gaur egungo gaiak… Ia dena oso ezaguna publikoarentzat.
Baina gonbidatuak ez dira izan nire musikaz gozatu duten bakarrak, ondartzan edo paseolekuan ibiltzen zen jendea ere ni entzutera gelditu delako.
Aste Nagusiko su artifizialak hasi baino lehentxeago amaitu dut emanaldia, eta, beraz, oso gau berezia izan da.
Look ibizenko berri bat estreinatu dut okasiorako.
Eta aurreezkontza honi jarraipena emateko, musika jarri dut elizkizunean.
Biolina bakarrik San Telmon, 2026-08-15
Gorkak eta Natashak zerbait xumea eskatu zidaten zeremoniarako, eta pentsatu nuen biolina bakarrik zela aukerarik onena aurrez grabatutako oinarri batekin.
Horregatik etorri naiz nire biolin elektrikoarekin eta kalitatezko bozgorailu batekin.
Baseliza honen akustika onak musikaz gozatzeko aukera eman du bereziki.
Errepertorioa ezkongaiek aukeratu dute, nire aholkularitzarekin.
- Senargaiaren sarrera: Nuvole Bianche (L. Einaudi)
- Emaztegaiaren sarrera: Canon (J. Pachelbel)
- Irakurgaiak: Hallelujah (L. Cohen)
- Ezkontzaren erritoa: Ave Maria (F. Schubert)
- Sinadurak: River Flows In You (Yiruma)
- Ezkonberrien irteera: Viva la vida (Coldplay)
Irteerarako, ermitako atean kokatu naiz.
Horrela, bozgorailua kanpoan egonda, musikak protagonismo handiagoa izan du.
Gertatutakoaren zain egon ez banintz ere…
Gonbidatuak nirekin geratu dira Coldplayren abestia bukatu arte, nik jotzen nuen bitartean abesten.
Une ikusgarria izan da.